Lyfin voru rangt merkt

Lyfjaglös sem fundust á heimili tónlistarmannsins Prince eftir andlát hans og reyndust innihalda lyfið Fentanyl voru ekki merkt rétt. Þess í stað voru þau merkt vægara ópíumlyfi. Þetta kemur fram á fréttavef breska ríkisútvarpsins BBC.

Krufning á líki Prince í júní leiddi í ljós að hann hefði látist af of stórum skammti af Fentanyli en ekki var vitað til þess að lyfinu hefði verið ávísað á hann. Skammturinn var nægjanlega stór og rúmlega það til þess að vera banvænn.

Rangt merkt Fentanyl hefur komið við sögu í vaxandi fjölda mála í Bandaríkjunum þar sem fólk hefur tekið inn of stóran skammt af lyfjum. Yfirleitt er þá um að ræða fölsuð lyf sem sögð eru vera af einhverri annarri tegund.

• Blogga um frétt