Þrír látnir eftir lásbogaárás

Ein kona og tveir karlmenn liggja í valnum eftir lásbogaárás í Toronto í Kanada í dag, að því er kemur fram á vef breska ríkisútvarpsins. Maðurinn sem liggur undir grun er í haldi lögreglu. 

Lögreglumenn fóru á vettvang eftir að tilkynning barst um stunguárás. Tveir fundust látnir á vettvangi og sá þriðji lá særður. Hann lést síðar af sárum sínum.

Þá kom í ljós að fórnarlömbin hlutu sárin af lásbogaörvum og fannst lásbogi skammt frá. Engin leyfi þarf til að kaupa eða eiga lásboga í Kanada. Að sögn lögreglufulltrúa er ásetningurinn enn óljós. 

Skömmu síðar rýmdi lögreglan byggingu í borginni vegna grunsamlegs pakka. Talið er að málin séu tengd en lögreglan gefur ekki meira upp um tengslin. 

• 1 blogg um fréttina

Bloggað um fréttina

• Ásgrímur Hartmannsson: Þetta vekur spurningar....