Sameinuðu þjóðirnar hafa greitt fólki nátengdu forseta Sýrlands, Bashar al-Assad, tugi milljónir Bandaríkjadala í samningum tengdum hjálparstarfi í Sýrlandi.

Kaupsýslumenn, sem eiga fyrirtæki sem Bandaríkin og Evrópusambandið hefur lagt bann við viðskiptum við, hafa fengið háar fjárhæðir greiddar frá SÞ sem og stofnanir og hjálparsamtök á vegum ríkisins. Þar á meðal hjálparstofnun sem forsetafrú Sýrlands, Asma al-Assad, setti á laggirnar. Það sama gildir um aðra stofnun sem nánasti samstarfsmaður forsetans, Rami Makhlouf, stýrir. Þetta er meðal þess sem kemur fram í rannsókn sem Guardian vann á fjárframlögum SÞ.

SÞ segjast ekki hafa aðra úrkosti en að starfa með með þeim sem Assad hefur lagt blessun sína yfir. Markmiðið sé að neyðaraðstoðin nái til sem flestra almennra borgara í Sýrlandi. 

Gagnrýnendur hjálparstarfs SÞ segja að þeir sem helst fái aðstoð séu þeir sem búi á svæðum sem eru undir yfirráðum stjórnvalda og að fjármunirnir fari meðal annars í að styrkja stöðu stjórnvalda sem á sama tíma beri ábyrgð á dauða hundraða þúsunda borgara.

Hér er hægt að lesa nánar um úttekt Guardian

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt