„Vertu þú sjálf,“ ráðleggur Obama Clinton

Barack Obama, Bandaríkjaforseti og Hillary Clinton, forsetaframbjóðandi Demókrata, á landsþingi ...
Barack Obama, Bandaríkjaforseti og Hillary Clinton, forsetaframbjóðandi Demókrata, á landsþingi flokksins í sumar. Obama segir Clinton vera í framboði af réttum ástæðum. AFP

Barack Obama Bandaríkjaforseti hvetur Hillary Clinton, forsetaframbjóðanda Demókrataflokksins, til að „vera hún sjálf“ í fyrstu kappræðum forsetaframbjóðendanna sem fara fram á mánudag.

Obama lét ráðleggingarnar falla í viðtali við fréttastofu ABC sjónvarpsstöðvarinnar, sem spurði hvort hann hefði einhver góð ráð fyrir Clinton. „Vertu þú sjálf og útskýrðu hvað drífur þig áfram,“ sagði Obama og bætti við að Clinton byggi yfir einlægum vilja til að bæta líf fólks.“

Kappræður tveggja stærstu forsetaframbjóðendanna, þeirra Clinton og Donald Trump forsetaframbjóðanda Repúblikanaflokksins, verður sjónvarpað á mánudag. Aðeins sex vikur eru nú til kosninga og er búist við að kappræðurnar fái metáhorf.

Hvert einasta orð, handhreyfing og svipbrigði frambjóðendanna í kappræðunum verður greint niður í minnsta smáatriði.

Obama hrósaði Clinton í viðtalinu við ABC, en Clinton hefur þrátt fyrir áralanga reynslu sem stjórnmálamaður ekki náð að vekja mikinn áhuga kjósenda. „Ég hef kynnst Hillary og þekki verk hennar. Ég hef séð hana á erfiðum stundum og góðum og hún er að þessu á réttum forsendum.“

Obama vakti því næst máls á því að enginn kona hafi enn gegnt embætti Bandaríkjaforseta. „Þannig að hún þarf að rjúfa nokkra múra,“ sagði hann.

„Það gætir nokkurrar tortryggni í garð hennar og svo hefur verið dregin upp af henni skopmynd sem rímar ekki við konuna sem ég þekki. Manneskju sem þykir virkilega vænt um börn.“

mbl.is

Bloggað um fréttina

Frá Sýrlandi til Evrópu - Greinaflokkur

50 Tonna legupressur
50 Tonna legupressur loft / glussadrifnar, snilldargræja á fínu tilboðsverði nú...
Dúskar með smellu Þvottabjörn
Til sölu mjög fallegir dúskar ekta þvottabjarnaskinn eru með smellu verð 1800kr ...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Ódýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir ...
 
Aðalfundur
Fundir - mannfagnaðir
Aðalfundur Skúlagarðs hf. vegna reikn...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Deiliskipulag
Tilkynningar
Skútustaðahreppur Auglýsing um deilis...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...