Hermaður flúði til Suður-Kóreu
Setja bókamerki
Hermaður í her Norður-Kóreu flúði fótgangandi yfir landamæri ríkjanna í nótt og gafst upp fyrir suðurkóreskum hermönnum. Flóttinn átti sér stað skömmu eftir miðnætti að íslenskum tíma samkvæmt upplýsingum frá stjórnvöldum í Suður-Kóreu.
Fram kemur í frétt AFP að ekki hafi verið heypt af neinum skotum þegar hermaðurinn fór yfir landamærin, sem eru girt af með miklu magni af gaddavír á báða bóga auk jarðsprengjubelta. Hundruð þúsunda hermanna beggja landa gæta landamæranna.
Hermaðurinn er nú í yfirheyrslum í Suður-Kóreu. Hundruð manna flýja Norður-Kóreu árlega en sjaldgæft er að gengið sé yfir landamærin. Það gerðist síðast í júní á síðasta ári þegar norðurkóreskur hermaður á unglingsaldri fór yfir landamærin.
Flestir sem flýja Norður-Kóreu fara fyrst til Kína og þaðan suður til annarra landa í Suðaustur-Asíu og loks til Suður-Kóreu.
Katrín: Jóhönnustjórnin talaði máli Íslands
Fiskikóngurinn: „Mér fannst sárt að heyra það“
Búið að bólusetja börn alla helgina
Segir nýtt frumvarp gefa eldisfyrirtækjum auðlindir
„Mér finnst Halla Hrund svona Vigdísarleg“
Baldur: „Ég ætla að svara þessu kalli“
Lögreglan rannsakar andlát konu í fjölbýlishúsi
Myndskeið: „Fólk var komið ískyggilega nálægt“