Finnar fá fjallið ekki gefins

Norska ríkisstjórnin hefur að undanförnu staðið af sér þrýsting frá almenningi um færa Finnlandi að gjöf fjallstind, í tilefni af hundrað ára sjálfstæðisafmæli nágrannalandsins.

Hópur Norðmanna hafði varpað fram þeirri hugmynd að gefa Finnlandi hinn 1.361 metra háa tind fjallsins Halti, sem liggur á mærum landanna tveggja. Gjöfin hefði það í för með sér að tindurinn yrði sá hæsti í Finnlandi. 

Undirskriftasöfnun á Facebook þessa efnis hefur þegar skilað rúmlega 17 þúsund undirskriftum.

Frétt mbl.is: Vilja gefa Finnum fjallið

Landamæri Finnlands ná langa vegu upp að tindinum, eða upp í 1.324 metra hæð, eða þar sem nú er hæsti punktur Finnlands. 

Skýrt merki um náin tengsl landanna

En nú er ljóst að lagaleg hindrun er í vegi gjörningsins.

„Þessi frumlega hugmynd hefur fengið mjög góðar viðtökur frá almenningi,“ segir forsætisráðherra Noregs, Erna Solberg, í bréfi til bæjarstjórans í Kafjord, sem einna mest hafði talað fyrir gjöfinni.

„Ég sé þetta sem skýrt merki um náin tengsl Noregs og Finnlands,“ sagði Solberg. Bætti hún þó við að gjöfin hefði i för með sér flókin lagaleg vandamál, og í raun óyfirstíganleg.

Gjörningurinn myndi nefnilega brjóta gegn fyrstu grein norsku stjórnarskrárinnar, þar sem kveðið er á um að norska konungdæmi sé „óskiptanlegt og óafsalanlegt“.

Við munum finna aðra verðuga gjöf til að fagna hundrað ára afmæli Finnlands,“ sagði Solberg að lokum.

• 1 blogg um fréttina

Bloggað um fréttina

• Geir Magnússon: Hér hefur Uni Danski hjálpað við þýðingu.