Tyrkneskar herþotur gerðu loftárásir á svæði í norðurhluta Sýrlands og drápu allt að 200 uppreisnarmenn Kúrda, samkvæmt upplýsingum tyrkneska hersins.

Þoturnar gerðu árásir á 18 skotmörk í héraðinu Maarrat Umm Hawsh, sem er norður af borginni Aleppo.

Herinn segir að 160 til 200 uppreisnarmenn úr röðum YPG hafi verið drepnir.

Sýrlenska mannréttindavaktin staðfesti að loftárásirnar hafi verið gerðar en gat ekki tjáð sig um fjölda látinna.

Hún sagði að níu byggingar sem notaðar voru sem höfuðstöðvar YPG, vopnageymslur og fundarstaðir hafi verið á meðal þeirra staða sem sprengdir voru.

Frétt mbl.is: Beinast gegn Ríki íslams og Kúrdum

Stjórnvöld í Ankara, höfuðborg Tyrklands, líta á YPG og Lýðræðislega sambandsflokk Kúrda (PYD) sem hryðjuverkasamtök sem tengjast hinum útlæga Verkamannaflokki Kúrda (PKK).

PKK hefur verið skilgreindur sem hryðjuverkasamtök af Bandaríkjunum og Evrópusambandinu. Flokkurinn hefur átt í blóðugum átökum við tyrknesk yfirvöld frá árinu 1984.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt