Kjörstaðir opnaðir á Flórída
Setja bókamerki
Kjörstaðir hafa verið opnaðir í ríkinu Flórída í Bandaríkjunum vegna forsetakosninganna hinn 8. nóvember. Samtals hafa um sex milljónir manna nú þegar greitt atkvæði í landinu.
Flórída er lykilríki í kosningunum og þar eru Hillary Clinton og Donald Trump í harðri baráttu.
Trump hefur farið þeysireið um ríkið og haldið fimm kosningafundi á meðan Clinton hefur einnig verið dugleg að koma fram.
Clinton er með þriggja prósentustiga forskot á Trump í Flórída, samkvæmt nýrri skoðanakönnun CBS/YouGov.
Hún hlaut 46% atkvæða í könnuninni á meðan Trump var með 43%.
„Við ætlum að vinna í hinu merka ríki Flórída og við ætlum að ná Hvíta húsinu aftur til baka,“ sagði Trump á kosningafundi í borginni Naples.
„Við verðum að fá fólk til að mæta á kjörstað. Það er það mikilvægasta sem við getum gert,“ sagði Clinton í viðtali við útvarpsstöðina WZAK í Cleveland.
„Þögnin er ærandi“
Segir óábyrgt að skipta út öllu bankaráðinu
„Það er skiljanlegt að þolinmæði þeirra sé lítil“
Aukin tíðni þungunarrofa hjá yngsta aldurshópnum
„Tíminn er runninn út fyrir Kristján Loftsson“
Þrjú og hálft ár fyrir skotárás í Úlfarsárdal