Donald Trump, forsetaframbjóðandi repúblikana, greiddi atkvæði sitt undir kraftmiklu bauli viðstaddra í New York í dag, en allar líkur eru taldar á því að kjósendur ríkisins velji andstæðing hans, Hillary Clinton, í kosningunum í dag.
„New York hatar þig!“ heyrðist enda kallað frá kjósendum sem einnig voru þar staddir til að greiða sín atkvæði. Einhverjir, og þar á meðal nokkrir byggingarverkamenn við vinnu neðar í götunni, klöppuðu þó fyrir Trump.
Frétt mbl.is: Trump búinn að greiða atkvæði
Frambjóðandinn biður almenning að halda áfram að kjósa í síðasta tísti sínu, og segir kosningarnar langt frá því að vera búnar. Reynir hann nú að tryggja sér atkvæði á elleftu stundu í ýmsum barátturíkjum, einkum í því stærsta, Flórída.
Án þess verður erfitt fyrir hann að komast í stól forseta.
Don't let up, keep getting out to vote - this election is FAR FROM OVER! We are doing well but there is much time left. GO FLORIDA!
— Donald J. Trump (@realDonaldTrump) November 8, 2016
Fréttavefur mbl.is fylgist með og greinir frá úrslitum kosninganna næsta sólarhringinn.