Tvísýnt um úrslit kosninga

Síðustu fylgiskannanir fyrir sögulegar forsetakosningar í Bandaríkjunum í dag benda til þess að mjótt verði á mununum, en talið er að Hillary Clinton sé líklegri en Donald Trump til að fá meirihluta atkvæða kjörmannanna 538 sem velja forsetann formlega.

Talið er að Trump þurfi að sigra í næstum því öllum ríkjunum þar sem óvissan hefur verið mest og þar að auki í að minnsta kosti einu ríki þar sem Hillary Clinton hefur lengi staðið betur að vígi, ef marka má kannanir.

Fréttaskýrandi The Wall Street Journal telur að Clinton þurfi að sigra í einu eða tveimur ríkjanna þar sem baráttan hefur verið hörðust, að því gefnu að hún fari með sigur í hólmi í ríkjunum þar sem demókratar hafa lengi verið öflugri en repúblikanar í forsetakosningunum. Donald Trump telji sig eiga möguleika á því að sigra í nokkrum þessara ríkja, m.a. Michigan, Pennsylvaníu, Wisconsin, Minnesota og Nýju-Mexíkó.

Mikilvægir kjósendahópar

Trump reiðir sig einkum á mikið fylgi meðal hvítra Bandaríkjamanna sem eru ekki með háskólapróf. Þessi hópur er jafnstór og allir blökkumenn og rómansk-amerískir og asískir Bandaríkjamenn á kosningaaldri samanlagt.

Talið er að atkvæði kjósenda sem eiga ættir að rekja til Rómönsku Ameríku geti ráðið úrslitum í nokkrum ríkjanna þar sem óvissan er mest, að sögn fréttaskýrenda. Þetta eru sögð góð tíðindi fyrir Clinton, en útlit er fyrir að kjörsókn rómansk-amerískra kjósenda verði meiri en nokkru sinni fyrr vegna óvinsælda Trumps á meðal þeirra. Kjörsókn þessa hóps hefur til þessa þó alltaf verið lítil.

Bloggað um fréttina

Frá Sýrlandi til Evrópu - Greinaflokkur

Tvær sumarhúsalóðir og tveir hlutar í flugskýli til sölu.
Til sölu í kjarrivöxnu landi í Haukadal á Rangárvöllum tveir hlutar í flugskýl...
Til sölu,háþrýstidæla
Til sölu Black og Decker háþrýstidæla,65 bör 360l/klst.ónotuð Fullt af aukahlut...
Krossgátufjör nr. 2
Nýtt 32ja blaðsíðna krossgátublað með 55 krossgátum af margvíslegum stærðum og f...
Stálstólar nýklæddir - gæða stólar - sími 869-2798
Er með nokkra gæða íslenska stálstóla, þessa gömlu góðu á 12,500 kr, stykkið, N...
 
Aðalfundur
Fundir - mannfagnaðir
Aðalfundur Hollvinasamtaka Heilsustofn...
Deiliskipulag
Tilboð - útboð
Kjósarhreppur auglýsir skv....
Framhald uppboðs
Nauðungarsala
Uppboð Einnig birt á www.naudungarsolu...
Skrifstofustjóri
Stjórnunarstörf
Skrifstofustjóri óskast til starfa hjá ...