Mótmælt var víða í Bandaríkjunum í gærkvöldi vegna kjörs Donalds Trumps í embætti forseta en mótmælin voru mun fámennari nú en kvöldið áður.
Samkvæmt frétt BBC voru það einkum ungmenni sem tóku þátt í gærkvöldi en þau segja að með Trump sem forseta eigi gjáin milli kynþátta og kynja eftir að stækka í Bandaríkjunum.
Trump er greinilega kominn úr Twitter-banni því hann svaraði mótmælendum þar með því að segja að honum fyndist mótmælin ósanngjörn.
Mótmælendur komu saman í borgum eins og Philadelphia, Baltimore, Portland, Dallas, Salt Lake Cityí í Utah og Grand Rapids, Michigan.
Just had a very open and successful presidential election. Now professional protesters, incited by the media, are protesting. Very unfair!
— Donald J. Trump (@realDonaldTrump) November 11, 2016