Trump snúi ekki baki við Evrópu
Setja bókamerki
Framkvæmdastjóri Atlantshafsbandalagsins (NATO), Jens Stoltenberg, varar Donald Trump, verðandi forseta Bandaríkjanna, við því í grein í breska dagblaðinu Observer að gefa bandalagið upp á bátinn. Vestræn ríki stæðu frammi fyrir einhverjum mestu áskorunum sem þau hefðu staðið frammi fyrir lengi og mikilvægt að þau stæðu áfram saman.
Trump sagði í kosningabaráttunni fyrir forsetakosningarnar í Bandaríkjunum að NATO væri úrelt bandalag og bandarísk stjórnvöld myndu hugsa sig tvisvar um áður en þau kæmu öðrum aðildaríkjum NATO til hjálpar yrði ráðist á þau ef þau hefðu ekki greitt það sem þeim bæri til samstarfsins. Stoltenberg segir í greininni að Trump hafi hins vegar nokkuð til síns máls þegar komi að fjárframlögum til NATO. Sum ríki þurfi að leggja meira af mörkum.
Bandaríkin standa í dag undir 70% af útgjöldum NATO en Stoltenberg bendir ennfremur á að forystumenn landsins hafi alltaf litið svo á að það væri í þágu bandarískra hagsmuna að tryggja stöðugleika og öryggi í Evrópu. Auðvelt væri að taka því frelsi, öryggi og velsæld sem ríkt hefði í vestrænum ríkjum sem sjálfsögðum hlut en þörf væri á öflugri forystu Bandaríkjanna í þeim efnum og að aðildarríkin öxluðu sanngjarnan hluta af kostnaðinum.
Breska ríkisútvarpið BBC greinir frá þessu.
Tapa fimm milljónum á dag
Hönnun sem bætir líf manna
Beint frá Kína
Sáttur við sína stöðu og finnur fyrir meðbyr
Bifreið ekið á skrifstofu Útlendingastofnunar
Katrín: Jóhönnustjórnin talaði máli Íslands
Myndir: Reynir við heimsmet í Hlíðarfjalli í dag
„Þetta er pínu óvanaleg staða“