Nicolas Sarkozy, fyrrverandi forseti Frakklands, komst ekki áfram í aðra umferð forvals franska Repúblikanaflokksins sem fór fram í dag. Hann hefur lýst yfir stuðningi við Francois Fillon sem náði efsta sæti í forvalinu fyrir forsetakosningarnar á næsta ári.

Endanlegri talningu atkvæða er ekki lokið en Sarkozy hefur viðurkennt ósigur sinn. Alain Juppe, fyrrverandi forsætisráðherra Frakklands, lenti í öðru sæti í forvalinu. Kosið verður á milli hans og Fillon á sunnudag um hvor þeirra verður forsetaframbjóðandi miðhægrimanna.

Fastlega er búist við því að sigurvegari forvalsins verði næsti forseti Frakklands. Sundrung ríkir á vinstri væng franskra stjórnmála og er Francois Holland, forseti úr röðum sósíalista, ákaflega óvinsæll meðal landsmanna.

Líklegast er að frambjóðandi repúblikana glími við öfgahægriframbjóðandann Marine Le Pen.

Frá vinstri; Alain Juppe, Francois Fillon og Nicolas Sarkozy. AFP

Tengdar fréttir

Forsetakosningar í Frakklandi 2017

Grunaður um að reyna að múta dómara

• Háar fjárhæðir í förðun forsetans
• Hamon segir sig úr Sósíalistaflokknum
• Macron og Pútín skiptust á skoðunum
• Voru með leynilega áætlun gegn Le Pen

» Fleiri tengdar fréttir

• 2 blogg um fréttina

Bloggað um fréttina

• Tómas Ibsen Halldórsson: Öfgastjórnmálaflokkar
• G. Tómas Gunnarsson: Stórmerkileg niðurstaða í fyrri umferð forkosninga Franska Lýðveldisflokksins