Ísraelsher drap fjóra félaga í vígasamtökunum Ríki íslams sem skutu á hermennina á Gólanhæðum á landamærum Sýrlands í morgun, að sögn talsmanns hersins.

Ísraelar hernámu hæðirnar í sex daga stríðinu 1967 en þær þóttu þá afar mikilvægar. Annars vegar vegna þess að þaðan var auðvelt að skjóta á byggðir í Ísrael en einnig vegna þess að hægt var að nota þær sem stökkpall til árása á höfuðborg Sýrlands, Damaskus, ef aftur kæmi til stríðs við sameinaða heri arabaríkjanna.

Talsmaður Ísraelshers, Peter Lerner, segir í samtali við AFP-fréttastofuna að ráðist hafi verið á hermennina og árásinni hafi ekki linnt fyrr en herinn gerði loftárás á bifreið byssumannanna sem voru félagar í samtökunum Shuhada al-Yarmouk, sem eru systursamtök Ríkis íslams. Lerner segir að hermennirnir hafi verið á svæði sem er undir stjórn Ísraels. 

Gólanhæðir. AFP

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt