Ellefu börn voru á meðal þeirra tólf sem fórust í eldsvoða á skólavist í borginni Adana í suðurhluta Tyrklands.
„12 lík fundust og 22 særðir voru fluttir á sjúkrahús,“ sagði háttsettur embættismaður í Adana.
Alls bjuggu 34 nemendur á aldrinum 11 til 19 ára í byggingunni, sem er þriggja hæða. Hún varð alelda og börðust slökkviliðsmenn við að ráða niðurlögum eldsins.
Einhverjir særðust þegar þeir stukku út um glugga til að flýja undan eldinum.