Aðalsamningamaður stjórnarandstöðunnar í Sýrlandi segir fall Aleppo í hendur stjórnarhers Bashars al-Assad forseta ekki þýða endalok uppreisnarinnar gegn honum. Í viðtali við breska ríkisútvarpið BBC segir hann vonir um friðarsáttamála fjarlægari.

Stjórnarherinn er kominn langt með að ná fullum yfirráðum yfir Aleppo sem hafði verið á valdi uppreisnarmanna frá árinu 2012. Þúsundir íbúa borgarinnar flúðu harða bardaga þar um helgina. 

George Sabra, aðalsamningamaður stjórnarandstöðunnar, segir við BBC að Aleppo sé mikilvæg fyrir uppreisnina en borgin sé ekki síðasta vígi hennar.

„Í augnablikinu eru svo margir staðir á valdi Frjálsa sýrlenska hersins,“ segir hann. 

Aðgerðir stjórnarhersins með stórfelldum loftárásum á borgina og síðan stórsókn hermanna hafi orðið til þess að enginn geti hugsað um friðarumleitanir.

Rússneska varnarmálaráðuneytið segir að uppreisnarmennirnir hafi tapað tólf hverfum borgarinnar, um 40% af yfirráðasvæði þeirra. Rússneskar herþotur eru sagðar hafa aðstoðað við aðgerðir stjórnarhersins í Aleppo.

Frétt BBC

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt