Trump: Brotthvarf mun hafa afleiðingar
Setja bókamerki
Donald Trump, verðandi forseti Bandaríkjanna, segir að það muni hafa afleiðingar í för með sér ákveði fyrirtæki að flytja starfsemi sína frá Bandaríkjunum.
Trump lét ummælin falla á fjöldafundi í Indiana þar sem hann sagðist enn fremur eiga heiðurinn af því að hafa bjargað 1.000 störfum hjá Carrier Corp sem hugðist flytja starfsemi sína til Mexíkó. Fyrirtækið framleiðir loftkælikerfi.
Þetta kemur fram á vef BBC.
Trump sagði að samningaviðræður við Carrier Corp væru gott dæmi um það hvernig hann myndi starfa með öðrum fyrirtækjum sem væru að íhuga að flytja starfsemi sína úr landi brott.
„Sú staða mun koma upp þar sem þau [fyrirtækin] munu fá að vita, í fyrsta lagi, að við munum koma vel fram við þau og, í öðru lagi, að það muni hafa afleiðingar,“ sagði forsetinn.
Hann sagði að bandarísk stjórnvöld myndu leggja háa skatta á þau fyrirtæki sem ákveði að fara annað.
Trump er nú á leið til Ohio þar sem hann mun hefja ferðalag sitt um Bandaríkin til að þakka kjósendum fyrir stuðninginn í forsetakosningunum.
Veiting hvalveiðileyfis ekki brot á EES-samningi
Eyjafjarðarbraut lokað vegna alvarlegs umferðarslyss
Sex hafa greinst með listeríu
Banna mengandi búnað sem leyfður er á Íslandi
Handteknir eftir myndatöku í Vesturbæjarlaug
Gígbarmurinn hækkað frá því í gær
„Á réttri leið en nokkuð í land ennþá“