Núverandi forseti Gambíu, Yahya Jammeh, var ekki endurkjörinn forseti landsins. Samkvæmt kosningastjórn landsins hlaut frambjóðandinn Adam Barrow 45,54% atkvæða í forsetakosningum en Jammeh 36,6%.
Þriðji frambjóðandinn, Mama Kendeh, hlaut 17.8%.
Jammeh er fimmtugur fyrrum herforingi og glímukappi. Hann hefur stjórnað landinu harðri hendi frá því hann komst til valda í uppreisn árið 1994. Hann ræktar dulúðuga ímynd holls múslima og sést oft halda á kóraninum eða bænaperlum.
Flestir íbúar í Gambíu búa við sára fátækt. Gambía er eitt af þeim ríkju í Afríku sem banna með lögum samkynhneigð.