Dómstóll í Sádi-Arabíu hefur dæmt fimmtán manns til dauða fyrir að njósna fyrir írönsk stjórnvöld. Búast má við því að ákvörðunin muni auka á spennu á milli landanna hvað trúarbrögð varðar.
Flestir hinna dæmdu eru hluti af síta-minnihlutanum í landinu.
Réttarhöldin hófust í febrúar, einum mánuði eftir að yfirvöld í Sádi-Arabíu slitu stjórnmálatengsl við Íran.
Tengslin voru slitin eftir að kveikt var í sendiráði og ræðismannsskrifstofu Sádi-Arabíu í landinu í mótmælaskyni við aftöku konungsdæmisins á síta-klerknum Nimr al-Nimr.
Frétt mbl.is: 100 handteknir fyrir árás á sendiráð
Til stendur að áfrýja dauðadómunum.