Bróðir pakistönsku samfélagsmiðlastjörnunnar Qandeel Baloch, hefur verið ákærður fyrir morðið á henni. 

Muhammad Waseem viðurkenndi að hafa kyrkt hina 26 ára gömlu Baloh, sem skaust upp á stjörnu­him­in­inn fyr­ir að birta sjálfs­mynd­ir og mynd­bönd af sér á sam­fé­lags­miðlum. Mörg­um þótti það ögr­un í landi þar sem flest­ir eru múslim­ar.

Qand­eel Baloch var 26 ára og fræg á landsvísu fyr­ir djarf­ar mynd­ir og texta sem hún birti á sam­fé­lags­miðlum. Að mati sumra var hún full­trúi nýrr­ar kyn­slóðar í Pak­ist­an sem þorði að tjá sig um það sem brann á henni. Hún var jafn­framt full­trúi ungra stúlkna í land­inu sem hef­ur svo lengi verið haldið niðri og hafði oft gagn­rýnt feðraveldið sem stjórn­ar öllu í Pak­ist­an. 

Svo­kölluð „heiðurs­morð“, þar sem kon­ur eru drepn­ar af ætt­ingj­um sín­um, eru nokkuð al­geng í Pak­ist­an en lög í landinu voru samþykkt í byrj­un mánaðar­ins sem banna slík morð. Áður en lög­in sem bönnuðu heiðurs­morð voru samþykkt gátu ein­stak­ling­ar sem frömdu heiðurs­morð gengið laus­ir ef ætt­ingj­ar fórn­ar­lambs­ins höfðu fyr­ir­gefið þeim.

Tengdar fréttir

Heiðursmorð í Pakistan

Kyrkti fyrrverandi eiginkonu sína

• Heiðursmorð bönnuð með lögum
• Kyrkti systur sína í bræðiskasti
• Andlátið rannsakað sem morð
• Rannsaka meint heiðursmorð

» Fleiri tengdar fréttir

• Blogga um frétt