Mótorhjólamaður í Suður-Afríku, sem hafði verið úrskurðaður látinn á vettvangi slyss, reyndist enn á lífi í kæliskáp í líkhúsinu næsta dag. Fjölskylda hans var komin í líkhúsið til að bera kennsl á líkið er uppgötvunin var gerð. Það fór þó þannig að maðurinn lést á sjúkrahúsi skömmu síðar.
Maðurinn hafði lent í slysi á mánudagskvöld, var úrskurðaður látinn og fluttur í líkhúsið.
Morguninn eftir sáu starfsmenn líkhússins hins vegar að hjarta hans sló enn og var hann þá fluttur í flýti á sjúkrahús. Þar var líkami hans hitaður upp en allt kom fyrir ekki, maðurinn lést.
Hafin er rannsókn á málinu.