Forseti Sýrlands, Bashar al-Assad, óskaði Sýrlendingum til hamingju með að hafa náð að „frelsa“ borgina Aleppo undan uppreisnarmönnum. Í dag hafa að minnsta kosti 1000 uppreisnarmenn og fjölskyldur þeirra verið flutt brott úr borginni vegna samkomulags um vopnahlé. Forsetinn sagði tímamótin vera söguleg í myndbandi sem forsetaembættið sendi frá sér á samfélagsmiðlum.  

Stjórn­ar­her Assad með fulltingi rúss­neskra loft­árása og vopnaðra ír­anskra hópa hefur náð aust­ur­hluta borgarinn­ar úr hönd­um upp­reisn­ar­manna. 

Michael Fallon, varnarmálaráðherra Bretlands, sagði að Assad gæti ekki setið við völd sem forseti landsins. Hann vísaði til þess að forseti sem stæði á bak við árásir á spítala í eigin landi væri ekki vært í embætti. Í ofan á lag stýrði hann einungis 40% af Sýrlandi, benti Fallon á. Hann bætti við að það væri mikilvægt að leita leiða til að ná pólitískri sátt í landinu.

Fallon og Ashton Carter, varnarmálaráðherra Bandaríkjanna tjáðu sig við fréttamenn eftir að hafa setið fund og rætt hvernig unnt væri að reyna að ráða niðurlögum Ríki íslams í Írak og í Sýrlandi. 

Carter tók í sama streng og Fuller. „Stjórnarskipti eru eina leiðin til að binda enda á þjáningu Sýrlendinga,“ sagði Carter og fordæmdi um leið ofbeldisfulla framgöngu Rússa gegn uppreisnarmönnum í Aleppo.

Michael Fallon, varnarmálaráðherra Bretlands og Ashton Carter varnarmálaráðherra Bandaríkjanna. AFP

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Ármann Birgisson: Uppreisnarmenn eða hryðjuverkamenn ? ?.