„Gefum ekki svörtum þjórfé“

Ljósmynd/Skjáskot.

Margir viðskiptavinir veitingastaðar í Virginíu eru slegnir eftir að svartur þjónn á staðnum fékk ekki þjórfé frá hvítu pari heldur skrifuðu þau rasísk ummæli á kvittunina. 

Kelly Carter er þjónn á veitingastaðnum og hún segir að parið hafi skilið eftir kvittunina en ekkert þjórfé. Þess í stað hafi þau skrifað: Frábær þjónusta en þau gefi ekki svörtu fólki þjórfé.

Eigandi veitingastaðarins, Tommy Tellez, segir í samtali við BBC að viðbrögðin hafi verið einstök. Fólk hafi verið að koma við á veitingastaðnum til þess að færa Carter fé, að sögn Tellez auk þess sem YouCaring hafi safnað yfir 300 Bandaríkjadölum handa henni. Jafnframt hafi fastagestir komið við til þess að faðma hana og sýna henni samkennd.

Hefð er fyrir því að gefa þjórfé í Bandaríkjunum en þar í landi fá starfsmenn veitingastaða mjög lág laun. Gert er ráð fyrir því að þjórfé jafni þessa mismunum sem þeir búa við. Parið sem skildi miðann eftir var á þrítugsaldri og eyddi 30,52 Bandaríkjadölum í mat á staðnum. 

Að sögn Carter mun hún með glöðu geði þjóna parinu á ný og að ein hatursummæli geti ekki stöðvað hana. Hún segir að hún muni þekkja þau aftur komi þau á  Anita's New Mexico Style Cafe á nýjan leik. Hún segir að þau særi hana ekki – harmurinn sé þeirra og þau styrki hana enn frekar.  

Tellez tekur í sama streng og segir að ummælin sem parið skildi eftir séu hræðileg, niðurdrepandi og svívirðileg. Hann telur að niðurstaða forsetakosninganna í nóvember sýni að rasismi sé viðurkenndur í Bandaríkjunum og olía á eld sem aldrei hafi slokknað fyllilega í Bandaríkjunum. 

Frétt BBC

mbl.is

Bloggað um fréttina

Frá Sýrlandi til Evrópu - Greinaflokkur

Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
 
L helgafell 6017121319 vi
Félagsstarf
? HELGAFELL 6017121319 VI Mynd af au...
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Kröflulína
Tilkynningar
Mynd af auglýsingu ...
Stella bankastræti 3 óskum eftir starf
Afgreiðsla/verslun
Bankastræti 3 Óskum eft...