John Kerry, utanríkisráðherra Bandaríkjanna, verður viðstaddur ráðstefnu í París á sunnudaginn þar sem rætt verður um frið fyrir botni Miðjarðarhafs.
Engir leiðtogar frá Ísrael og Palestínu verða viðstaddir ráðstefnuna.
Nokkrar vikur eru liðnar síðan öryggisráð Sameinuðu þjóðanna fordæmdi landtöku Ísraela á svæðum Palestínumanna.
Kerry varaði í framhaldinu Ísraela við því að koma upp landtökubyggðum á palestínsku svæði og sagði að það geti ógnað lýðræði þjóðarinnar.
Hann sakaði ríkisstjórn Benjamins Netanyahu, forsætisráðherra Ísraels, um að leyfa Ísraelum að mjakast í átt að varanlegri landtöku.
Frétt mbl.is: Friðarviðræður ef Ísrael hættir landtöku