Rússnesk stjórnvöld hafa samþykkt að bjóða fulltrúum Bandaríkjanna til viðræðna um framtíð Sýrlands, sem eiga að fara fram í Astana, höfuðborg Kasakstans, síðar í þessum mánuði.

„Bandaríkin ættu tvímælalaust að taka þátt, og um það vorum við sammála Rússum,“ sagði utanríkisráðherra Tyrklands, Mevlut Cavusoglu, við blaðamenn í Genf í dag, að lokinni alþjóðlegri ráðstefnu um málefni Kýpur.

Búist er við að viðræðurnar í Astana hefjist 23. janúar.

Vopnahlé náðist í landinu í síðasta mánuði, fyrir milligöngu Rússlands og Tyrklands, en án aðkomu Bandaríkjanna, sem áður höfðu komið að friðarviðræðum í landinu.

Vopnahléð tók gildi 30. desember og hefur fært ró yfir mikinn hluta landsins, þrátt fyrir að bardagar geisi áfram sums staðar.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt