Rannsókn verður gerð hjá franska bílaframleiðandanum Renault vegna grunsemda um að fyrirtækið hafi svindlað í útblástursprófum á díselvélum sínum.
Saksóknarar í París greindu frá þessu og fyrir vikið hafa hlutabréf í Renault fallið snögglega.
Renault hefur sent frá sér yfirlýsingu þar sem kemur fram að bílar þeirra „séu ekki með svindl-hugbúnað sem hefur áhrif á útblásturskerfi“.
Þar segir einnig að fyrirtækið fylgi bæði evrópskum og frönskum reglugerðum í hvívetna.
Í kjölfar svindls þýska bílaframleiðandans Volkswagen tengdu útblæstri, fundu franskir sérfræðingar hættulega mikið magn af útbláæstri frá díselvélum þó nokkurra bílaframleiðanda, þar á meðal Renault.
Frétt mbl.is: VW-stjóri sendur í steininn
Hlutabréf í Renault féllu um fjögur prósent skömmu eftir að tilkynnt var um rannsóknina.
Rannsókn stendur einnig yfir á bandaríska bílaframleiðandanum Fiat Chrysler vegna meintra brota á umhverfisstöðlum.
Frétt mbl.is: Fiat Crysler sakað um blekkingar