„Fréttin er fantasía“
Setja bókamerki
„Fréttin er fantasía,“ hefur fréttaveitan Reuters eftir heimildarmönnum innan herbúða Donald Trump um fregnir þess efnis að forsetinn verðandi hygði á friðarfund með Vladimir Pútín Rússlandsforseta í Reykjavík. Það var Sunday Times sem greindi frá fyrirhuguðum fundi.
Frétt mbl.is: Trump vill funda með Putin í Reykjavík
Samkvæmt frétt Sunday Times greindi Trump breskum ráðamönnum frá því að verið væri að leggja drög að fundi hans og Pútín í Reykjavík.
Trump hefur talað fyrir vinsamlegri samskiptum við Rússa og sagt að ráðamenn í Rússlandi muni öðlast meiri virðingu fyrir Bandaríkjunum þegar hann hefur tekið við stjórnartaumunum í Hvíta húsinu.
Forsetinn nýkjörni sagði í samtali við Wall Street Journal á föstudag að hann hygðist viðhalda refsiaðgerðum Barack Obama gegn Rússum í einhvern tíma. Hann gaf hins vegar í skyn að hann myndi íhuga að aflétta þeim ef Rússar reyndust hjálplegir í baráttunni gegn Ríki íslam og varðandi önnur markmið Bandaríkjamanna.
Uppfært kl. 09.01:
Verðandi fjölmiðlafulltrúi Hvíta hússins, Sean Spicer, þvertekur fyrir að nokkuð sé til í fregnum af fyrirhuguðum fundi Trump og Pútín í Reykjavík.
Fara ekki lengur fram á einangrun yfir Davíð
Búið að bólusetja börn alla helgina
Segir nýtt frumvarp gefa eldisfyrirtækjum auðlindir
Hönnun sem bætir líf manna
„Mér finnst Halla Hrund svona Vigdísarleg“
Myndir: Reynir við heimsmet í Hlíðarfjalli í dag
Tóku upp hanskann fyrir leikskólabörn