Trúir á brýr en ekki veggi
Setja bókamerki
„Þótt Mexíkó virði rétt annarra ríkja til að standa vörð um eigið öryggi þá trúir Mexíkó ekki á veggi heldur á brýr,“ sagði Enrique Pena Nieto, forseti Mexíkó, í dag. Hann mótmælir harðlega ummælum Donalds Tump, forseta Bandaríkjanna, sem hefur sagst ætla að reisa vegg milli landanna tveggja á kostnað Mexíkó.
Tilgangurinn er meðal annars að koma í veg fyrir að Mexíkóbúar flytji ólöglega til Bandaríkjanna, að sögn Trumps.
Trump hefur einnig heitið því að endurskoða viðskiptasamning milli ríkjanna. Hann hefur sagst ætla fella úr gildi fríverslunarsamning til að vernda störf í Bandaríkjunum. Þetta veldur ugg í Mexíkó því flestar útflutningsvörur landsins eru seldar til Bandaríkjanna.
Hyggst verja hagsmuni landsins
Pena Nieto sagðist jafnframt tilbúinn að ræða við Trump um málefni Mexíkó. Eitt af því er um ólöglega innflytjendur til Bandaríkjanna og fleira sem Trump varð tíðrætt um í kosningabaráttunni. Hins vegar muni hann verja hagsmuni landsins.
„Hvorki átök né uppgjöf heldur samtal og samningar,“ sagði Pena Nieto um þær aðferðir sem hann mun nota í samskiptum við Trump.
„Þetta náttúrulega endar með ósköpum“
Íslendingar ein mest einmana þjóð heims
Moses Hightower og Prins Póló gefa út eyjalag
Myndskeið: „Fólk var komið ískyggilega nálægt“
Búið að bólusetja börn alla helgina
Myndir: Reynir við heimsmet í Hlíðarfjalli í dag
Sáttur við sína stöðu og finnur fyrir meðbyr