Trump fundar fyrr með May
Setja bókamerki
Tengdar fréttir
Brexit
Theresa May, forsætisráðherra Bretlands, heldur til Washington, höfuðborgar Bandaríkjanna, síðar í þessari viku til fundar við Donald Trump, forseta Bandaríkjanna. Fram kemur á fréttavef breska dagblaðsins Independent að talsmenn Hvíta hússins hafi staðfest að fundurinn verði á föstudaginn. Gert er ráð fyrir að May verði í tvo daga í Bandaríkjunum.
Rætt hafði verið um að May og Trump myndu hittast nokkrum vikum eftir embættistöku forsetans sem fór fram á föstudaginn. Hins vegar kemur fram í fréttinni að ákveðið hefði verið að flýta fundarhöldunum af hálfu bandarískra stjórnvalda til þess að styrkja í sessi samband Bandaríkjanna og Bretlands samkvæmt fréttavef breska blaðsins Daily Telegraph.
Trump hefur lýst áhuga sínum á að eiga í nánu samstarfi við May með hliðstæðum hætti og var fyrir hendi á sínum tíma á milli forvera hans, Ronalds Reagan, og þáverandi forsætisráðherra Bretlands, Margaret Thatcher. Búist er við að meðal þess sem rætt verði um á fundinum verði fyrirhugaður fríverslunarsamningur á milli Bretlands og Bandaríkjanna.
Tengdar fréttir
Brexit
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
Tveir í bílnum sem lenti utan vegar
„Á réttri leið en nokkuð í land ennþá“
Handtekin eftir að tvö börn fundust látin
„Hvílir mikil leynd yfir þessu öllu“
„Það þarf að vinna mikinn fjölda upp“