Björgunarþyrla, sem talin er hafa verið með sex manns um borð, hefur brotlent í fjalllendi á Ítalíu. Þetta herma þarlendir fjölmiðlar.
Þyrlan féll til jarðar nærri Campo Felice-skíðasvæðinu, eftir að hafa tekið þar upp slasaðan skíðamann.
Þyrlan er ekki sögð tengjast aðgerðum í kjölfar snjóflóðsins, sem féll á hótel þar nærri á miðvikudag.
Ítalska ríkissjónvarpið Rai segir björgunarlið hafa verið sent á vettvang frá höfuðstöðvunum í Penne, þaðan sem aðgerðum vegna snjóflóðsins er stýrt, samkvæmt frétt BBC.
Uppfært 14.00:
Allir sex sem um borð voru í þyrlunni, létust að sögn lögreglu. Þyrlan féll til jarðar í þykkri þoku.
Íbúar svæðisins hafa einnig síðustu daga þurft að þola tíða jarðskjálfta og banvænt snjóflóð.
Frétt mbl.is: Fjórtán látnir eftir snjóflóðið