Ljósmyndarinn Nilsson látinn

Sænski ljósmyndarinn Lennart Nilsson er látinn, 94 ára að aldri. Þekktasta verk hans var ljósmyndabókin Barn verður til sem kom út árið 1965. Verkið seldist í milljónum eintaka en myndirnar sýna með einstökum hætti hvernig fóstur þroskast í móðurkviði.  

Hann notaði nýja tækni þegar hann tók myndir af blóði og æðum í mannslíkamanum á sjöunda áratug síðustu aldar. Nokkru eftir að bókin kom út kom í ljós að fóstrin sem hann myndaði voru látin. Upphaflega hélt fólk að um lifandi börn væri að ræða.

Þeir sem lögðust gegn fóstureyðingum notuðu myndir Nilsson og vísuðu til þeirra í baráttu sinni.

Nilsson var í miklu samstarfi við Karólinska-sjúkrahúsið í Svíþjóð og er þekktur fyrir verk sín á sviði læknavísindanna. Hans er minnst sem fyrsta ljósmyndarans sem festi AIDS-vírusinn á filmu og SARS-vírusinn sem hann gerði með nýrri tækni.  

• 1 blogg um fréttina

Bloggað um fréttina

• Lífsréttur: Lennart Nilsson látinn