Bresk stjórnvöld hafa tilkynnt þingmönnum að þau hyggist aðeins taka á móti 150 börnum sem dvelja nú eins síns liðs í flóttamannabúðum í Grikklandi, Ítalíu og Frakklandi. Vonir stóðu til að börnin yrðu samtals 3.000 en 350 hafa þegar verið flutt til Bretlands.

Það var David Cameron, þáverandi forsætisráðherra, sem tilkynnti að bresk stjórnvöld myndu greiða fyrir komu barnanna, í kjöflar heitrar samfélagsumræðu um flóttamannavandann.

Aðgerðasinnar höfðu sem fyrr segir vonast til að tekið yrði á móti allt að 3.000 börnum, þar sem þingmönnum hafði verið tjáð að staðaryfirvöld í Bretlandi hefðu verið beðin um að sjá þeim fjölda fyrir heimilum.

Robert Goodwill innflytjendaráðherra tilkynnti þingmönnum í yfirlýsingu að einn hópur 150 barna yrði fluttur til Bretlands á grundvelli áætlunar Cameron. Hann vildi ekki staðfesta að þetta yrði síðasti hópurinn til að njóta þess en það fékkst síðar staðfest hjá innanríkisráðuneytinu.

Önnur áætlun, sem felur í sér móttöku barna með tengsl við Bretland á grundvelli Dyflinarreglugerðarinnar, mun einnig líða undir lok.

Ítarlega frétt um málið má finna hjá Guardian.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt