Fréttirnar „tómt bull“

Donald Trump Bandaríkjaforseti.
Donald Trump Bandaríkjaforseti. AFP

Donald Trump Bandaríkjaforseti segir það tómt bull að ráðgjafar hans hafi átt í samskiptum við stjórnvöld í Rússlandi í aðdraganda kosninganna í nóvember. Tveir dagar eru síðan þjóðaröryggisráðgjafi hans, Michael Flynn, sagði af sér. Flynn sagði af sér vegna full­yrðinga um að hann hefði rætt viðskipta­bann Banda­ríkj­anna gegn Rússlandi áður en Trump tók við embætti Banda­ríkja­for­seta.

Trump skrifaði á Twitter í dag að tengingin við Rússa væri „tómt bull“ sem væri dreift til að fela þá staðreynd að mörg mistök hafi verið gerð í kosningabaráttu Hillary Clinton.

Í frétt New York Times í gær kom fram að bandarískir leyniþjónustumenn hefðu undir höndum samskipti milli fólks sem kom að kosningabaráttu Trumps við hátt setta yfirmenn í rússnesku leyniþjónustunni sem farið hefðu fram fyrir bandarísku forsetakosningarnar í nóvember.

Bandaríska leyniþjónustan komst að þeirri niðurstöðu í janúar að Rússar hefðu haft afskipti af kosningabaráttunni sem miðuðu að því að koma Trump til valda. 

Trump lét fjölmiðla heyra það í færslum á Twitter í dag. Hann hrósaði hins vegar Fox-sjónvarpsstöðinni fyrir sína umfjöllun.

Sagði hann sem fyrr að nokkrir fjölmiðlar væru að dreifa „fölsuðum fréttum“. 

Þá sakaði Trump einnig bandarísku leyniþjónustuna um að hafa lekið upplýsingum og beindi spjótum sínum að Þjóðaröryggisstofnuninni, NSA, sem og FBI. Sagði hann þessar stofnanir hafa lekið upplýsingum til New York Times og Washington Post. 

Einnig sakaði Trump Obama um linkind. „Krímskaginn var TEKINN YFIR af Rússum á meðan Obama var við völd. Var Obama of linur gagnvart Rússlandi?“

mbl.is

Frá Sýrlandi til Evrópu - Greinaflokkur

Gisting við Gullna hringinn..
Studio herb. með sérbaði og eldunaraðstöðu, heitur pottur utandyra, 6 mínútur fr...
Mercedes Benz 350 4matic 2006
Fallegur og vel með farinn station 4x4 ný dekk,bíll í topp standi. Ekinn aðeins ...
BÍLKERRUR _ BÍLKERRUR _ BÍLKERRUR
Sterku þýsku ANSSEMS & HULCO kerrurnar, sjá möppu 83 á Facebook > Mex byggingavö...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Samkoma
Félagsstarf
Samkoma kl. 20 í Kristniboðssalnum. N...
L helgafell 6017101119 iv/v
Félagsstarf
? HELGAFELL 6017101119 IV/V Mynd af ...
Eldri borgarar
Staður og stund
Aflagrandi 40 Það er opin vinnustofa hjá...