Hin þriggja ára gamla risapanda Bao Bao sem fæddist í dýragarðinum í Washington DC er farin til Kína. Ferðalagið tekur 16 klukkustundir. Markmið ferðalagsins er að fá hana til að taka þátt í fjölgunarprógrammi sem allar risapöndur þurfa að taka þátt í. BBC greinir frá.
Vonandi gengur þetta vel. Hún er með um 25 kg af bambus með sér og líka annað snakk, segir Lauru Trevelyan við BBC. Flutningsfyrirtækið FedEx flytur Bao Bao á áfangastað.
Foreldrar hennar, þau Mei Xiang og Tian Tian, verða eftir í dýragarðinum í Washington. Þau eru í láni frá dýragarðinum í Chengdu í Kína. Eldri bróðir Bao Bao, Tai Shan, fór í sambærilega ferð árið 2010 þar sem hann hitti kvenkyns pöndu.