Ian Stewart, unnusti rithöfundarins Helen Bailey, var í dag dæmdur í 34 ára fangelsi fyrir að hafa myrt hana í fyrra.
Stewart byrlaði unnustu sinni lyf og kæfði hana áður en hann fleygði líki hennar í forarþró.
Ian Stewart, sem er 56 ára, hafði neitað því að hafa myrt Helen Bailey á heimili þeirra í Royston í Hertfordskíri á Englandi í apríl í fyrra í von um að komast yfir auðæfi hennar sem eru metin á 4 milljónir punda, eða um 550 milljónir króna, að því er kemur fram í frétt BBC.