Segja lögregluna á hælum sér
Setja bókamerki
Hælisleitendur frá Sri Lanka sem komnir eru til Hong Kong óttast að lögreglan sé á hælum þeirra fyrir að hafa skotið skjólhúsi yfir bandaríska uppljóstrarann Edward Snowden í borginni.
Í frétt BBC er haft eftir lögfræðingi þeirra að lögreglumenn frá Sri Lanka hafi komið til Hong Kong í leit að þeim. Lögregluyfirvöld neita þessu.
Lögmaðurinn segir að í það minnsta tveir rannsóknarlögreglumenn frá Sri Lanka hafi komið til Hong Kong í desember og leitað mannanna. Hann segir að lögreglumennirnir hafi sagt öðrum Sri Lanka-mönnum í Hong Kong hverjir þeir væru. Þá hafi þeir verið með gögn og ljósmyndir meðferðis.
Talsmaður lögreglunnar á Sri Lanka segir þessar fréttir „hreina lygi“.
Hælisleitendurnir sem um ræðir hýstu Edward Snowden í Hong Kong í tvær vikur í júní árið 2013 eftir að hann flúði frá Bandaríkjunum í kjölfar birtingar trúnaðarupplýsinga frá Þjóðaröryggisstofnun Bandaríkjanna.
Snowden flúði svo þaðan og til Rússlands.
Átta morðmál á aðeins tólf mánuðum
Tæknideild komin norður vegna andlátsins
Fara ekki lengur fram á einangrun yfir Davíð
Sáttur við sína stöðu og finnur fyrir meðbyr
Katrín: Jóhönnustjórnin talaði máli Íslands
Moses Hightower og Prins Póló gefa út eyjalag
Búið að bólusetja börn alla helgina