Fjöldi þeirra sem hafa verið tilnefndir til friðarverðlauna Nóbels í ár er 318 sem er næstmesti fjöldi tilnefninga í sögu verðlaunanna samkvæmt frétt AFP. Nöfnum þeirra sem tilnefndir eru til verðlaunanna er haldið leyndum í 50 ár en þeim sem tilnefna er frjálst að upplýsa um eigin tilnefningar.

Talið er að á meðal þeirra sem tilnefndir eru séu hjálparsamtökin Hvítu hjálmarnir sem starfa í Sýrlandi, Donald Trump Bandaríkjaforseti og Frans páfi að því er segir í fréttinni. Einnig sádi-arabíski bloggarinn Raif Badawi sem situr í fangelsi þar í landi, bandaríski uppljóstrarinn Edward Snowden og bandarísku mannréttindasamtökin ACLU.

Þá er talið að Vladimír Pútín Rússlandsforseti sé á meðal þeirra sem hafa verið tilnefndir og Jacques Chirac, fyrrverandi forseti Frakklands. Hinir tilnefndu skiptast í 215 einstaklinga og 103 félagsasamtök og stofnanir. Þetta er næstmesti fjöldi tilnefninga í sögu verðlaunanna sem voru fyrst veitt árið 1901. Mestur var fjöldinn á síðasta ári eða 376.

Tengdar fréttir

Donald Trump fyrrverandi Bandaríkjaforseti

Segir Trump ekki sekan

• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu
• Ísraelar að „tapa áróðursstríðinu“ á Gasa

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ekki fleiri Bandaríkjaforseta - takk.