Bandaríkjamenn þurfi vegabréfsáritanir
Setja bókamerki
Evrópuþingið hefur samþykkt að binda enda á tvíhliða samning við Bandaríkin um að bandarískir ríkisborgarar geti ferðast án vegabréfsáritunar til landa innan Evrópusambandsins eða Schengen-svæðisins.
Ákvörðunin var samþykkt vegna þess að Bandaríkin hafa ekki uppfyllt skilyrði tvíhliða samnings sem kveður á um að ríkisborgarar allra ríkja innan Evrópusambandsins njóti sömu fríðinda í Bandaríkjunum og geti ferðast þangað án vegabréfsáritunar. Ríkisborgarar fimm Evrópusambandsríkja, Búlgaríu, Króatíu, Kýpur, Póllands og Rómaníu, verða enn að fá vegabréfsáritun til að mega ferðast til Bandaríkjanna.
Í samþykkt Evrópuþingsins er kveðið á um að ákvörðunin skuli taka gildi innan tveggja mánaða en framkvæmdastjórn Evrópusambandsins þarf að koma á nýjum lögum til að breytingin verði að veruleika. Samþykktin mun þá gilda í tólf mánuði en bandarískir ríkisborgarar þurfa á tímabilinu að fá vegabréfsáritun hyggist þeir ferðast til Evrópusambandsríkja.
Framkvæmdastjórn Evrópusambandsins komst að því fyrir um þremur árum að Bandaríkin uppfylltu ekki skuldbindingar sínar vegna tvíhliða samninga um niðurfellingu áritunarskyldu. Framkvæmdastjórnin hafði þó ekkert gert í málinu fram að þessu en vegna samþykktar Evrópuþingsins hefur hún tvo mánuði til að breyta reglunum. Ef framkvæmdastjórnin gerir breytinguna ekki innan tímarammans geta Evrópuþingmenn farið með málið fyrir rétt.
„Skýr skilaboð til Seðlabankans“
Hernaðaraðstoð samþykkt – Vopnasendingar í vikunni
Moses Hightower og Prins Póló gefa út eyjalag
Fara ekki lengur fram á einangrun yfir Davíð
Hönnun sem bætir líf manna
Beint frá Kína
Tapa fimm milljónum á dag