Hæstiréttur Bandaríkjanna hefur vísað máli er varðar réttindi transfólks aftur til undirdómstóls í kjölfar ákvörðunar ríkisstjórnar Donald Trump að fella úr gildi viðmiðunarreglur um baðherbergisnotkun transfólks í skólum á vegum ríkisins.

Málflutningur í máli Gavin Grimm, transstráks frá Virginíu, átti að hefjast 28. mars en málið fer nú, sem fyrr segir, aftur til undirréttar.

Fyrrnefndar viðmiðunarreglur sem settar voru í stjórnartíð Barack Obama kváðu á um að skólarnir ættu að heimila nemendum að velja salerni eftir kynvitund.

Nýjar reglur Trump-stjórnarinnar setja það hins vegar í hendur einstakra skóla og skólayfirvalda að ákveða hvort transnemar fá að velja annað salerni en samræmist því kyni sem tiltekið er á fæðingarvottorði.

Tengdar fréttir

Réttindabarátta hinsegin fólks

Vitundarvakning þolir enga bið

• Mjög alvarlegt ef um hatursglæp er að ræða
• Stenst stjórnarskrá að banna samkynja hjónabönd
• Stjórnvöld brjóta stjórnarskrávarinn rétt fólks
• Samkynhneigðir sakaðir um hryðjuverk

» Fleiri tengdar fréttir

• Blogga um frétt