Spicer fetar í fótspor Sigmundar
Setja bókamerki
Sean Spicer, fjölmiðlafulltrúi Hvíta hússins, vekur oft athygli með því sem hann segir en í gær var það skótau hans sem komst til umræðu á samfélagsmiðlum. Spicer skartaði sitthvorum skónum á blaðamannafundi fyrir utan Hvíta húsið í gær og hefur skóbúnaðurinn vakið upp spurningar um stíl Spicer en jafnframt heilsu hans.
Spicer var í einum brúnum skó og einum svörtum. Twitter-notendur hafa sagt í kaldhæðni meðal annars að þetta sé „ósk um hjálp“ og „djarft skref“. Aðrir fóru að velta fyrir sér hvort að hann væri meiddur og að svarti skórinn væri þarna af heilsufarsástæðum.
Þess má til gamans geta að þarna er Spicer á vissan hátt að feta í fótspor Sigmundar Davíðs Gunnlaugssonar, fyrrverandi forsætisráðherra, en hann klæddist ósamstæðum skóm þegar hann hitti Barack Obama, þáverandi Bandaríkjaforseta í Stokkhólmi í september 2013. Annars vegar hefðbundnum spariskó og hins vegar svörtum Nike-íþróttaskó á vinstrifæti.
„Hann er búinn að vera bólginn vegna sýkingar í vikunni, og það espaðist allt upp eftir flugferðirnar hingað svo hann var ómögulegur í gær og ekki séns að komast í annan skó. Það er nú allur leyndardómurinn. Ekkert fashion statement, þó það væri nú eiginlega skemmtilegri frétt sko,“ sagði þáverandi aðstoðarmaður Sigmundar, Jóhannes Þór Skúlason, í samtali við mbl.is.
Spicer hefur ekki tjáð sig um skótauið á Twitter-síðu sinni en tístin um málið hlaupa á þúsundum.
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“
Telur forsendur fyrir vaxtalækkun
Árshátíð ríkislögreglustjóra haldin í Tékklandi
Krefjast stöðvunar framkvæmda
Tveir í bílnum sem lenti utan vegar