Skyndibitarisinn McDonalds rannsakar hvernig á því stendur að Twitter-reikningur fyrirtækisins sendi Donald Trump, forseta Bandaríkjanna, móðgandi skilaboð fyrr í dag.
Talið er að einhverjum hafi tekist að hakka sig inn á Twitter og sent skilaboðin: „Þú ert viðurstyggileg afsökun fyrir forseta og við myndum elska að fá Barack Obama aftur, þú ert líka með litlar hendur.“
McDonalds greindi frá því á Twitter skömmu síðar að skilaboðunum hefði verið eytt. „Við eyddum tístinu og erum að rannsaka málið,“ kom þar fram.