Einstakar dýramyndir

Við erum ekki ein hér á jörð, þó að stundum láti nú mannskepnan þannig. Plánetan okkar iðar af margvíslegu lífi sem á þó oft undir högg að sækja vegna mannanna verka.

Í kyrrðinni á sléttum Afríku, í fjöllum þessarar náttúruperlu, við stöðuvötnin og strendurnar er fjölskrúðugt dýralíf sem einstakt er að fylgjast með. Snemma á morgnana koma stór spendýr í hópum að vatnsbólunum og hefja svo daginn undir heitri Afríkusólinni. Önnur renna sér út í árnar og vötnin og hefja leit dagsins að æti. Þannig er hver dagur öðrum líkur en þó svo einstakur.

Lífsbaráttan getur verið hörð, ekki síst vegna veiðiþjófa sem herja á margar tegundir stórra spendýra álfunnar. Þá eru þessar skepnur stundum fangaðar og ræktaðar í Evrópu og Bandaríkjunum, til þess eins að vera til sýnis. Gagnrýni á dýragarða verður sífellt háværari enda koma reglulega upp tilfelli þar sem slík fyrirtæki verða uppvís að níði og vanrækslu. 

Hér að neðan má sjá myndir af dýrum. Sum þeirra hafa aldrei notið frelsis. Önnur hafa notið þeirra sjálfsögðu réttinda og auðgað þannig lífríkið okkar.