Hóta að eyðileggja varnir Sýrlands

Avigdor Lieberman, varnarmálaráðherra Ísrael.
Avigdor Lieberman, varnarmálaráðherra Ísrael. AFP

Avigdor Lieberman, varnarmálaráðherra Ísrael, hefur hótað því að eyðileggja loftvarnarkerfi Sýrlands eftir að skotið var á ísraelskar herþotur þegar þær gerðu loftárásir á nokkur skotmörk í landinu.

„Næst þegar Sýrlendingar nota loftvarnarkerfið gegn herþotum okkar munum við eyðileggja það án þess að hika,“ sagði Lieberman í samtali við ísraelska ríkisútvarpið.

Að sögn forsætisráðherrans voru skotmörk herþotanna vopnasendingar á leið til Hezbollah-hreyfingarinnar í Líbanon.

Sýrlenski herinn greindi frá því að ein ísraelsk herþota hefði verið skotin niður og önnur orðið fyrir flugskeyti en ísraelski herinn segir þetta ekki rétt. Engin vél hafi orðið fyrir skoti.

Um er að ræða alvarlegasta áreksturinn milli ríkjanna frá því borgarastyrjöldin í Sýrlandi braust út fyrir sex árum.

Ísraelar tóku stærstan hluta Golan-hæða eignanámi frá Sýrlandi árið 1967 og innlimuðu svæðið árið 1981. Þrátt fyrir að lítið hafi farið fyrir átökum á landamærum ríkjanna síðustu áratugi eiga ríkin tæknilega enn í stríði.

Loftvarnarkerfi Ísraela á Golan-hæðum. Kerfið skaut niður eitt af flugskeytum ...
Loftvarnarkerfi Ísraela á Golan-hæðum. Kerfið skaut niður eitt af flugskeytum Sýrlendinga. AFP
mbl.is

Bloggað um fréttina

Frá Sýrlandi til Evrópu - Greinaflokkur

Íslensk fornrit og Saga Íslands
Íslensk fornrit til sölu, Íslendingasögur og Landnáma, bindi 1-12 og 14. Saga ...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
Crystal clean spray
Crystal clean spray, silver spray og multimedia hreinsispray komið. Slovak Krist...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Skipulagsmál
Tilkynningar
Rangárþing ytra Auglýsing um skipulags...
Félagsstarf
Staður og stund
Aflagrandi 40 Opin vinnustofa kl 9 og gö...