Hefja úrsagnarferlið 29. mars

Brexit færist nær.
Brexit færist nær. AFP

Bretar munu hefja formlegt úrsagnarferli gagnvart Evrópusambandinu 29. mars. Þá munu þeir virkja 50. grein Lissabon-sáttmálans, níu mánuðum eftir að úrslit úr þjóðaratkvæðagreiðslu um Brexit lágu fyrir.

„Við viljum að viðræðurnar hefjist tafarlaust,“ sagði talsmaður forsætisráðherrans Theresu May við blaðamenn.

Ráðuneytið sem fer með úrsögnina sagði í yfirlýsingu í morgun að Tim Barrow, sendifulltrúi Bretlands í Brussel, hefði tilkynnt Donald Tusk, forseta leiðtogaráðs Evrópusambandsins, að Bretar hygðust virkja 50. greinina miðvikudaginn 29. mars.

Haft var eftir Brexit-ráðherranum David Davis að Bretar hefðu tekið sögulega ákvörðun um að yfirgefa sambandið í atkvæðagreiðslunni 23. júní 2016.

„Við stöndum á mörkum mikilvægustu samningaviðræðna þessa lands í heila kynslóð,“ sagði hann en samkvæmt 50. greininni er tímarammi viðræðnanna tvö ár.

May hefur sagt að hún sé tilbúin að yfirgefa sameiginlegan markað Evrópu til að geta sett eigin reglur um aðflutning fólks.

Framkvæmdastjórn Evrópu er sögð munu svara tilkynningu Breta innan tveggja sólahringa en viðræður munu ekki hefjast fyrr en eftir einhverjar vikur eða jafnvel mánuði.

mbl.is

Bloggað um fréttina

Frá Sýrlandi til Evrópu - Greinaflokkur

Tek að mér
Tek að mér lagfæringar á harðviðarútihurðum. Slípum og pússum. Lagfæri fúa í glu...
ICELANDIC and ENGLISH f. foreigners - ÍSLENSKA f. útlendinga - ENSKA f. fullorðna
Start/Byrja: 26/6, HOLIDAY/SUMARFRÍ, 4/9, 2/10, 30/10, 27/11- 8/1: 4 weeks/viku...
Til sölu Quicksilver CLASSIC 20 bátur
Til sölu Quicksilver CLASSIC 20 hraðbátur Verð: 5,7 milljónir. Myndir og uppl. t...
Lausir dagar í Biskupstungum..
Hlý og falleg sumarhús til leigu, -Leiksvæði og heitur pottur.. Velkomin.. ...
 
Skipulagsauglýsing
Tilkynningar
Borgarbyggð Skipulagsauglýsingar Sv...
Félagsstarf
Staður og stund
Árskógum Boccia með Guðmundi kl. 9.30-10...
Framhald
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Árskógar 4 Félagsstarfið er með opið í s...