Neita að framselja Tamimi til Bandaríkjanna

Af heimasíðu FBI

Hæstiréttur í Jórdaníu hefur komist að þeirri niðurstöðu að Ahlam Aref Ahmad Al-Tamimi, sem er á lista bandarísku alríkislögreglunnar yfir eftirlýsta hryðjuverkamenn verði ekki framseld til Bandaríkjanna.

Hæstiréttur staðfesti þar með úrskurð áfrýjunardómstóls í landinu. Tamimi, sem er frá Jórdaníu, var sett á lista bandarískra yfirvalda fyrr í mánuðinum og ákærð fyrir að hafa „skipulagt árás með gereyðingarvopni gagnvart bandarískum ríkisborgurum utan Bandaríkjanna.“

Dómsmálaráðuneyti Bandaríkjanna heldur því fram að Tamimi hafi verið í för með hryðjuverkamanni úr hryðjuverkasamtökunum Hamas þegar hann sprengdi sprengju falda inni í gítar í Jerúsalem árið 2001. Árásin var gerð inni á Sbarro-pizzastað og 15 létu lífið, þar af tveir Bandaríkjamenn. 122 særðust í árásinni.

Tamimi var handtekin og játaði sök við réttarhöld. Hún hlaut árið 2003 sextánfaldan lífstíðarfangelsisdóm. Henni var síðan sleppt árið 2011 í fangaskiptum ísraelskra yfirvalda við Hamas.

Hún á yfir höfði sér dauðarefsingu eða lífstíðarfangelsi verði hún handtekin, ákærð og dæmd sek í Bandaríkjunum.

Tamimi tók þátt í hryðjuverkaárás í Jerúsalem árið 2001.
Tamimi tók þátt í hryðjuverkaárás í Jerúsalem árið 2001. Af heimasíðu FBI
mbl.is

Frá Sýrlandi til Evrópu - Greinaflokkur

Nissan Leaf útsala!
Nissan Leaf útsala! 2015 bílar, eknir milli 20 og 35 þús. Nokkrir litir. Allir m...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...
Félagsfundur varðar
Fundir - mannfagnaðir
Vörður - fulltrúaráð sjálfstæðisf...
Rafræn kosning hofsprestakall
Tilkynningar
Auglýsing um prestskosningu í Hofspr...
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...