Ríkisstjórn Donalds Trump segir að ekkert hafi breyst eftir að greint var frá því að bandaríska alríkislögreglan, FBI, væri að rannsaka meint afskipti Rússa af forsetakosningunum í Bandaríkjunum í fyrra.

„Það eru engar sannanir fyrir leynimakki á milli Trump og Rússlands og það eru engar sannanir fyrir neinu hneyksli í tengslum við Trump og Rússa,“ sagði háttsettur embættismaður í yfirlýsingu.

James Comey, yfirmaður FBI, staðfesti í fyrsta sinn í dag að stofnunin væri að rannsaka meint afskipti Rússa af forsetakosningunum í fyrra og mögulegt leynimakk með Rússum meðan á kosningaherferð Trump stóð.

Comey vísaði einnig á bug fullyrðingu Trump um að forveri hans í embætti forseta, Barack Obama, hefði látið hlera Trump Tower-bygginguna í New York. Sagði Comey að engar sannanir væru fyrir hendi hjá FBI og dómsmálaráðuneytinu til að styðja fullyrðinguna.

Tengdar fréttir

Donald Trump fyrrverandi Bandaríkjaforseti

Segir Trump ekki sekan

• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu
• Ísraelar að „tapa áróðursstríðinu“ á Gasa

» Fleiri tengdar fréttir

• Blogga um frétt