Verður sýnd óklippt í Malasíu
Setja bókamerki
Disney-myndin Beauty and the Beast verður sýnd óklippt í Malasíu. Mikil umræða skapaðist um myndina í landinu en í henni má finna „samkynhneigt augnablik“ eins og það hefur verið orðað.
Myndin verður frumsýnd í Malasíu 30. mars og verður bönnuð börnum yngri en þrettán ára. Hún verður hins vegar sýnd í fullri lengd, að sögn talsmanns Disney í Suðaustur-Asíu.
Emma Watson fer með aðalhlutverkið í myndinni.
Fríða og Dýrið, eins myndin heitir í íslenskri þýðingu, hefur vakið mikla athygli um heim allan ekki síst vegna þess að samkynhneigða persónu er þar að finna, þá fyrstu í sögu Disney.
Yfirvöld í Malasíu höfðu farið fram á að atriði yrðu klippt út en Disney neitaði að gefa eftir.
Malar gull í kvikmyndahúsum
„Hvernig hann dansar er... hommalegt og samræðurnar og texti við lagið er það líka. Í sama atriði lyftir hann upp skyrtunni og sýnir sogblett á maganum,“ sagði Abdul Halim Abdul Hamid, yfirmaður kvikmyndaeftirlits Malasíu í samtali við AFP-fréttastofuna í síðustu viku.
En nokkrir þingmenn í landinu drógu þörfina fyrir að klippa atriði úr myndinni í efa í gær og sögðu málið allt hafa neikvæð áhrif á ímynd Malasíu.
Samkynhneigð er ólögleg í Malasíu og varðar brot á lögunum við sektir og jafnvel fangelsi.
Trúarhópar í Malasíu höfðu áður farið fram á að myndin yrði bönnuð í landinu. Trúarhópar í fleiri löndum hafa einnig gagnrýnt hana, m.a. í Singapúr og Rússlandi.
En þrátt fyrir þessa gagnrýni frá fámennum en háværum hópum hefur myndin malað gull í kvikmyndahúsum og er ein mest sótta mynd síðustu helgar, m.a. í Bandaríkjunum.
Færa slökkviliðið til nútímans
Segjast hafa skotið niður langdræga sprengjuvél
Mun fara sparlega með málskotsréttinn
Gerir ráð fyrir 150 samningum í næstu viku
Hyggjast leyfa fólki að skoða gosið
Segjast ekki vera á kaldri slóð
Nauðgaði kærustu sinni og tók það upp