Upptaka er komin fram þar sem leikarinn Harrison Ford útskýrir fyrir flugumferðarstjóra hvers vegna hann flaug rétt yfir farþegaþotu og lenti á akbraut fyrir flugvélar á John Wayne-flugvellinum í suðurhluta Kaliforníu í febrúar. Litlu munaði að stórslys yrði en 110 manns voru um borð í farþegaþotunni.
Flugmálayfirvöld í Bandaríkjum rannsaka atvikið en BBC hefur birt upptökuna.
Upptakan:
Ford: „Hæ, þetta er Husky Eight Niner Hotel Uniform. Ég er aulinn sem lenti á akbrautinni.“
Flugumferðarstjóri: „Það eru bara nokkur snögg atriðið sem ....“
Ford: „Farþegaþota sem var á hreyfingu truflaði mig í aðfluginu og einnig ókyrrðin í loftinu vegna Airbus-þotu sem var að lenda á hliðarbraut.“
Flugumferðarstjóri: „Get ég fengið nafn þitt og flugskírteinisnúmer?“
Ford: „Ég heiti Harrison Ford.“
Flugumferðarstjóri: „Ok“.
Ford: „Og flugskírteinið mitt er í bakpokanum mínum“.
Flugumferðarstjóri: „Taktu þinn tíma, ekkert mál.“
Ford: „Jæja, þetta er stórt mál í mínum augum. Bíddu aðeins.“
Frétt mbl.is: Ford flaug næstum á farþegaþotu