Kristilegi demókrataflokkurinn (CDU), flokkur Angelu Merkel, kanslara Þýskalands, bar sigur úr býtum í kosningu íbúa í þýska sambandslandinu Saarland í dag. Hann fékk 40% atkvæða á móti 30% atkvæða Sósíaldemókrataflokksins (SPD), samkvæmt nýjustu tölum.
Úrslit kosninganna eru talin gefa vísbendingar um hvernig Angelu Merkel kanslara muni reiða af í þingkosningunum í haust.
Kannanir á landsvísu hafa sýnt að mjótt er á munum milli þessara tveggja flokka.
Merkel hefur verið kanslari frá 2005 og stefnir á að sitja fjórða kjörtímabilið.