Bretland hefur beðist afsökunar fyrir að eggi hafi verið kastað í sádiarabískan herforingja sem var í heimsókn í London. Þetta herma fréttir í Sádi-Arabíu.
Hernaðarandstæðingur reyndi í síðustu viku að framkvæma borgaralega handtöku á hershöfðingjanum Ahmed Assiri, segir talsmaður bandalagsríkja sem eru í hernaði í Jemen þessa mánuðina. Annar henti svo eggi í hershöfðingjann. Eggið hafnaði í baki Assiris.
Utanríkisráðherra Breta, Boris Johnson, hringdi í kjölfarið í enn af prinsum Sádi-Arabíu, Mohammed bin Salman, sem er sonur konungsins í landinu, og „bað hann afsökunar á árás á hershöfðingjann Ahmed Assiri,“ segir í frétt ríkisreknu fréttastofunnar SPA.
Assari segist hafa orðið fórnarlamb árásar frá manni sem hafi verið að mótæla aðgerðum í Jemen.
Á myndbandi af atvikinu, sem birt var á Twitter, mátti sjá hernaðarandstæðinginn Sam Walton setja hönd á öxl Assiris og segjast ætla að handtaka hann borgaralega. Lífverðir hershöfðingjann ýttu Walton í burtu. „Ég ætla að handtaka þig borgaralega fyrir stríðsglæpi í Jemen,“ má heyra Walton segja.
Samkvæmt lögum í Bretlandi mega borgarar handtaka þá sem grunaðir eru um refsiverða háttsemi.
Annar mótmælandi elti svo Assari og kastaði eggi í hann. Hershöfðinginn sneri sér í kjölfarið að manninum og „gaf honum fingurinn“.
Mannréttindasamtök víða um heim hafa gagnrýnt Sádi-Araba harðlega fyrir loftárásir sínar í Jemen, einu fátækasta ríki heims. Amnesty International hafa gagnrýnt Breta fyrir að styðja við hernað þeirra í landinu.
The moment I citizen's arrested #Saudi Major General Ahmed Asiri. He should be put on trial for war crimes in #Yemen. pic.twitter.com/fl5ADbpMGc
— Sam Walton (@SamWalton) March 30, 2017